A Fundación “LUÍS TILVE” é unha institución con carácter de Fundación cultural privada, recoñecida como tal pola Consellería de Cultura e Xuventude (D.O.G. de 22 de abril de 1991) e declarada de interese galego por Orde do 1 de abril de 1991 da Xunta de Galicia (D.O.G. do 13 de maio de 1991). A Fundación constitúese en Santiago de Compostela o día 9 de outubro de 1989, a partir da idea do, nese momento, Secretario Xeral de UGT-Galicia, Suso Mosquera, quen consideraba fundamental o estudio histórico dos movementos sociais, sindicais, políticos e culturais contemporáneos, así como a conservación da documentación que obraba en poder do sindicato ou que puidera chegar a el. Obxecto e finalidade da Fundación A Fundación ten entre os seus obxectivos, definidos nos seus propios estatutos: Fomentar o coñecemento e o espallamento da Cultura Sindical. Axudar ó estudio e á investigación da historia dos sindicatos, e en particular da UGT en Galicia. Axudar ó estudio e á investigación do Sindicalismo e da súa problemática na sociedade galega de hoxe. Contribuír ó estudio e á investigación da emigración e a inmigración galegas. Contribuír á formación, no seu lato significado, dos responsables e dirixentes sindicais, en orde a favorecer o mellor cumprimento da súas responsabilidades específicas. Contribuír á formación da clase traballadora, tanto dende o punto de vista laboral como dende unha perspectiva profesional, incluíndo a do profesorado en exercicio. Ser depositaria dos Arquivos Histórico e Documental da UGT de Galicia. Custodiar, ordenar e manter a Biblioteca da UGT de Galicia. Facilitar ós estudantes e investigadores de cuestións relacionadas con este obxecto fundacional o seu labor. Elaborar e subministrar información sobre tódolos temas que signifiquen un progreso para a clase traballadora. Promover os valores do traballo digno, as accións solidarias e a defensa do medio ambiente e dos bens comúns. Fomentar o estudo e a investigación no ámbito das ciencias sociais, históricas e xurídicas, par ao mellor cumprimento dos fins antes salientados. Dende a súa creación a Fundación Luís Tilve traballa pola difusión da cultura galega, concretando o seu campo na recuperación da memoria histórica do País galego preferentemente no mundo laboral, e ao mesmo tempo convocando actos de completa actualidade no seu momento para a análise da realidade social que envolve a Galicia dende distintas ópticas. De feito un dos proxectos presentes nos seus obxectivos dende a súa constitución é o contacto cos centros galegos da emigración, para non deixar no esquecemento aos nosos cidadáns, que por diversas causas tiveron que emigrar lonxe da súa terra. Para acadar todos estes obxectivos a Fundación ven formulando dende a súa creación diversas actividades que conforman a columna vertebral da súa existencia: Organizar cursos, conferencias, congresos, symposiums, conversas e sesións de estudio e investigación arredor de temas e problemas sindicais, laborais, industriais e sociais. Redactar, editar, subvencionar e distribuír folletos, monografías e toda clase de publicacións de información, formación e divulgación de temas relacionados co mundo sindical, laboral, industrial e social. Realizar exposicións monográficas arredor de aspectos e temas laborais, industriais, sociais e sindicais. Subscribir acordos ou convenios con diferentes institucións públicas, ou entidades privadas. Relacionarse con outros Arquivos e Fundacións que poidan aportaren documentos de interese en relación co obxecto e finalidade fundacional. Calquera outra actividade que a Xunta do Padroado estime conveniente para o cumprimento do obxecto fundacional.
                                  fundación luis tilve              
          ____________________________________________________________________________

 Avda. Cruceiro de A Coruña, 22 Baixo. 15705 - Santiago de Compostela (A Coruña)
Tlf:  981 58 54 90                                                              Fax:  981 56 68 30

fluistilve@hotmail.com                                   fluistilve@fundacionluistilve.com

Coñecenos
conocenos fundación luis tilve
Centro documental
centro documental fundación luis tilve
Unha publicación conmemora o 80ª aniversario da Agrupación Socialista de Cambados:
O PSdeG-PSOE de Cambados editou un libro sobre as súas oríxenes para conmemorar o seu 80ª aniversario de existencia. A investigación correu a cargo da historiadora e colaboradora da Fundación Luís Tilve, Rosa María López González, que nos últimos anos ven realizando diversos traballos sobre a historia do movemento obreiro en Galicia, a través dos diversos proxectos que vense realizando na Fundación. Precisamente a maior parte das fontes documentais utilizadas proveñen do Arquivo Histórico do Movemento Obreiro da nosa entidade.
Esta publicación, que leva por título "15 maio 1931 Partido Socialista de Cambados: O inicio da historia", supón un paso máis na recuperación da historia do movemento obreiro socialista en Galicia, e, en palabras do deputado Domingo Tabuyo, "este libro es un ejercicio de memoria porque a veces es la única arma para luchar contra el paso voraz del tiempo, y para no olvidar nunca a los que dieron un paso adelante y lucharon, en épocas muy difíciles, por el socialismo, construyendo la primera ejecutiva de la agrupación local del PSOE, que llegó a ser de las más grandes después de Vigo y Pontevedra. Por eso hacemos esta publicación, que empieza el 15 de mayo de 1931, un día después de crearse la agrupación local y cuando se convierte en una herramienta útil al servicio de los cambadeses, para cambiar las cosas. Esta publicación es la primera de una serie que iniciamos fruto de la investigación realizada por Rosa López". El acto fue aprovechado también para recordar a destacados socialistas, tales como Antonio Magariños, Adolfo Caamaño o José Manuel Silva. 

Fundación Luis Tilve - Santiago de Compostela. A Coruña. Galicia. España